Norræni fjárfestingarbankinn

Markmið Norræna fjárfestingabankans er að stuðla að velmegun og sjálfbærni á Norðurlöndum og í Eystrasaltsríkjunum. Norræni fjárfestingabankinn fjármagnar verkefni sem auka framleiðni og bæta umhverfið á Norðurlöndum og í Eystrasaltsríkjunum. Aukin efnahagsleg samvinna milli landanna er mikilvægur liður í starfsemi bankans. Til að stuðla að aukinni framleiðni í aðildarríkjum Norræna fjárfestingabankans skal í verkefnum sem fjármögnuð eru af bankanum lögð áhersla á:

• Tækniframfarir og nýsköpun
• Mannauð og jöfnun efnahagslegra tækifæra
• Bættra innviði
• Skilvirkni markaða og viðskiptaumhverfis

Hvað umhverfið varðar, lánar Norræni fjárfestingabankinn til verkefna sem stuðla að:

• Minni mengun
• Fyrirbyggandi aðgerðum
• Hagkvæmari notkun auðlinda
• þróun vistvænni orkutækni
• Minni loftlagsbreytingum

Bankinn býður viðskiptavinum sínum í einkageiranum sem og opinberum aðilum langtímalán og ábyrgðir á markaðs kjörum. Verkefni sem til greina kemur að fjármagna eru metin með sjálfbærni í huga.

Norræni fjárfestingabankinn er alþjóðleg fjármálastofnun í eigu Danmerkur, Eistlands, Finnlands, Íslands, Lettlands, Litháens, Noregs og Svíþjóðar. Bankinn lánar til aðila jafnt innan sem utan aðildarríkjanna. 

Norræni fjárfestingabankinn fjármagnar útlanastarfsemi sína með því að lána á alþjóðlegum fjármálamörkuðum. Skuldabréf bankans fá hæstu mögulegu lánshæfiseinkunn.